భారీ వర్షంలో సంపూర్ణంగా భారత్ బంద్

భారీ వర్షంలో భారత్ బంద్ సక్సెస్

*అఖిలపక్షాల భార‌త్ బంద్ విజయవంతం

*కేంద్ర ప్రభుత్వం దిగొచ్చేనా?

*విపక్షాల డిమాండ్లపై ప్రభుత్వ వైఖరేంటీ?

*తెలంగాణలో రోడ్డెక్కిన అఖిల పక్షాలు

*అక్రమ అరెస్టులని విపక్షాల ఆందోళనలు

*

భారీ వర్షంలో సంపూర్ణంగా భారత్ బంద్ 

హైదరాబాద్, ప్రజాజ్వాల:

భారత్ బంద్ తో దేశ‌రాజ‌ధాని ఢిల్లీ ట్రాఫిక్ మయమైంది. సెంట్ర‌ల్ ఢిల్లీ, నోయిడా, గుర్గావ్ రూట్స్ అన్ని వేలాది వాహనాల‌తో క‌నిపించాయి. రాజ‌ధానిలోకి రైతులు ప్ర‌వేశించే అవ‌కాశం ఉంద‌న్న నిఘా వ‌ర్గాల హెచ్చ‌రిక‌ల‌తో పోలీసులు ప్ర‌తి వాహనాన్ని త‌నిఖీ చేశాకే అనుమ‌తించారు. కేంద్రం తెచ్చిన మూడు కొత్త వ్య‌వ‌సాయ చ‌ట్టాల‌ను నిర‌సిస్తూ 40రైతు సంఘాలు క‌లిసి ఏర్ప‌డ్డ సంయుక్త కిసాన్ మోర్చా ఇచ్చిన భార‌త్ బంద్ సంపూర్ణంగా సక్సెస్ అయ్యిందని చెప్పుకోవాలి. ఓ వైపు భారీ వర్షాలు..మరో వైపు విపక్షాల నిరసన ర్యాలీలతో ప్రజలు స్వచ్ఛందంగా బంద్ కు మద్దతు తెలిపినట్లయింది..  రైతు సంఘాల‌కు మ‌ద్ధ‌తుగా దేశంలో ప్ర‌తిచోట బంద్ ప్ర‌భావం క‌నిపించింది. ప్ర‌తిప‌క్ష పార్టీ ప్ర‌భుత్వాలున్న చోట బంద్ సంపూర్ణం అయినప్పటికి, ఇత‌ర చోట్లలో  అఖిల‌ప‌క్ష కూట‌ములు బంద్ ను విజ‌య‌వంతం చేశాయి.

భారత్ బంద్ కు కాంగ్రెస్, లెఫ్ట్, బీఎస్పీ, ఎస్పీ, ఆప్, వైసీపీ, టీడీపీ, డీఎంకే స‌హా మొత్తం 20పార్టీలు మ‌ద్ద‌తిచ్చాయి. ఏపీలో అధికార‌, విప‌క్ష పార్టీలు మ‌ద్ద‌తుకు సంపూర్ణ మ‌ద్ద‌తివ్వ‌టంతో బంద్ ఆందోళలనకు ఆస్కారం లేకుండాపోయింది. ప్రభుత్వమే బంద్ ను ప్రకటించినట్లవడంతో అక్కడ ప్రభావం కనడలేదు.. ఎక్క‌డి బ‌స్సులు అక్క‌డే నిలిచిపోయాయి. లారీల చ‌క్రాలు క‌ద‌ల్లేదు. ప్రైవేటు వాహ‌నాలు కాస్త క‌నిపించినా ఎలాంటి వ్యాపార స‌ముదాయాలు తెరుచుకోక‌పోవ‌టంతో బంద్ విజ‌య‌వంతమైనట్లు ప్రకటించుకున్నారు. దీంతో కేంద్రం కొత్త వ్య‌వ‌సాయ చ‌ట్టాల‌ను వెన‌క్కి తీసుకోవాల‌ని ఆయా పార్టీలు కోరుతున్నాయి..

తెలంగాణ‌లో భారత్  బంద్ ప్రభావం ఘాటుగానే కనిపించింది. కేంద్ర రాష్ట్ర ప్రభుత్వాలకు నిరసనగా ఇక్కడ అఖిల పక్షాలు తలపెట్టిన బంద్ విజయవంతమైందని చెప్పుకోవచ్చు.  అధికార టీఆర్ఎస్ దూరంగా ఉన్న‌ప్ప‌టికీ బంద్ ను విపక్షాలు విజ‌య‌వంతం చేశాయి. ఉద‌యం నాలుగు గంట‌ల నుండి ఆర్టీసీ డిపోల ఎదుట అఖిల‌ప‌క్ష నేత‌లు బైఠాయించారు. రైతుల‌కు మ‌ర‌ణ‌శాస‌నంగా మారిన న‌ల్ల చ‌ట్టాల‌ను వెన‌క్కి తీసుకోవాల‌ని కోరారు. ఉప్ప‌ల్ డిపో వ‌ద్ద పీసీసీ చీఫ్ రేవంత్ రెడ్డి, సీపీఎం నేత త‌మ్మినేని వీర‌భ‌ద్రం బంద్ లో పాల్గొన‌గా… పోలీసులు అరెస్ట్ చేసి వ‌దిలిపెట్టారు. బంద్ లో భాగంగా గుర్ర‌పు బండిపై అసెంబ్లీకి వెళ్తున్న సీఎల్పీ నేత భ‌ట్టి, సీతక్క తో పాటు ఎమ్మెల్యేలను అసెంబ్లీ గేటు ముందు అరెస్ట్ చేశారు. రాష్ట్రవ్యాప్తంగా ప్ర‌తి నియోజ‌క‌వ‌ర్గంలో అఖిల‌ప‌క్ష నేత‌ల అరెస్టు కొన‌సాగాయి. అఖిల‌ప‌క్ష నేత‌ల ఆందోళ‌న‌తో మ‌ధ్యాహ్నం వ‌ర‌కు పాక్షికంగా ఆర్టీసీ బ‌స్సులు తిర‌గ్గా… సాయంత్రానికి య‌ధావిధిగా న‌డిచాయి. ఓవైపు భారీ వ‌ర్షంలోనూ అఖిల‌ప‌క్షం ఐక్యంగా బంద్ ను విజ‌య‌వంతం చేయడానికి ప్రయత్నించాయి.

మొదటిసారి భార‌త్ బంద్ లో మంత్రి కేటీఆర్ స్వ‌యంగా పాల్గొని న‌ల్ల చ‌ట్టాల‌ను ర‌ద్దు చేయాల‌ని కోరార‌ని…. మ‌రి ఇప్పుడెందుకు దూరంగా ఉన్నార‌ని పీసీసీ చీఫ్ రేవంత్ రెడ్డి ప్ర‌శ్నించారు. కేసీఆర్ మోడీవైపు వెళ్లిపోయార‌ని, ఇక్క‌డ రైతులు, జ‌నం అంతా బంద్ లో ఉంటే… కేసీఆర్ మాత్రం ఢిల్లీలో బీజేపీ నేత‌ల‌తో విందులో ఉన్నార‌ని మండిప‌డ్డారు. అంబానీ, అదానీల‌కు దేశాన్ని దోచిపెట్టేందుకే ఈ న‌ల్ల చ‌ట్టాల‌ని, న‌ల్ల‌చ‌ట్టాల‌ను ర‌ద్దు చేసే వ‌ర‌కు కాంగ్రెస్ రైతుల‌కు అండ‌గా ఉంటుంద‌ని రేవంత్ రెడ్డి మండిపడ్డారు.

నేడే భారత్ బంద్

నేడే భారత్ బంద్

*అఖిల పక్షాల పిలుపుకు అన్ని వర్గాల మద్దతు

*ప్రభుత్వాల ప్రజావ్యతిరేక విధానాలకు నిరసన

*విపక్ష ప్రతిపక్షాలు ఏకమైన రోజు  నేడే..

*ప్రజల మద్దతు ఎటు.. ?

నేడే భారత్ బంద్.. జయప్రదం చేయాలని పిలుపు నిచ్చాయి అఖిల పక్షాలు.. అన్ని వర్గాల వారు ఏకమై కేంద్ర రాష్ట్ర ప్రభుత్వాలు అనుసరిస్తున్న ప్రజావ్యతిరేక విధానాలను ఎండగట్టుతూ భారత్ బంద్ కు మద్దతు తెలుపుతున్నాయి. ప్రధానంగా రైతు నల్ల చట్టాలను రద్దు చేయాలంటూ డిమాండ్ చేస్తూ ఈ బంద్ ఎజెండా గా పెట్టుకున్నాయి. ఒక్క రోజు బంద్ వల్ల ప్రభుత్వ వైఖరి ఎలా ఉంటుందో చూడాలి.. విపక్షాలు, ప్రతిపక్షాలు పిలుపునిచ్చినంతా మాత్రానా ప్రజానీకం మద్దతు తెలుపుతుందా... ? ఈ బంద్ లో ప్రజలు స్వచ్ఛంధంగా పాల్గొంటారా.. వ్యాపార వేత్తలు, వర్తక సంఘాలు బంద్ లో పాల్గొంటాయా..? బంద్ ప్రభావం ప్రభుత్వాల పై ఏమేరకు ఉండబోతుంది..? 

కేంద్రంలో బీజేపీ, రాష్ట్రంలో టీఆర్ఎస్ పై అఖిల పక్షాలు విరుచుకుపడుతున్నాయి. ఇక దేశం మొత్తం బీజేపీ పాలిత రాష్ట్రాలు తప్ప మిగిలిన రాష్ట్రాలు సైతం బంద్ కు పూర్తి మద్దతు తెలుపుతున్నాయి. అన్ని పార్టీలు ఏకమై బంద్ కు సంపూర్ణ మద్దతు తెలుపుతున్నాయి. అదే విధంగా ప్రభుత్వ రంగ సంస్థల్లో పనిచేసే యూనియన్లు , బ్యాంక్ సిబ్బంది తదితర సంస్థలలో పనిచేసే ఉద్యోగులు సైతం బంద్ కు మద్దతు తెలుపుతున్నాయి. స్వచ్ఛందంగా బ్యాంక్ లు బందు ప్రకటించాయి.. వ్యవస్థలో ఇంతగా  ప్రభుత్వ రంగ వ్యవస్థలు సైతం  బంద్ కు మద్దతు తెలుపుతుంటే.. ప్రభుత్వ విధానాలు సరిగా లేవనే అభిప్రాయం వ్యక్తమైనట్లేనా... నేడు జరిగే భారత్ బంద్ ప్రభావంతో ప్రభుత్వం విధానాల్లో మార్పులు చేసుకునే అవకాశాలు ఉన్నాయా.. వేచి చూడాల్సిందే....

<script async src="https://pagead2.googlesyndication.com/pagead/js/adsbygoogle.js?client=ca-pub-9358413606572061"

     crossorigin="anonymous"></script>

<ins class="adsbygoogle"

     style="display:block"

     data-ad-format="fluid"

     data-ad-layout-key="-ft-q-57-df+1gc"

     data-ad-client="ca-pub-9358413606572061"

     data-ad-slot="1239354153"></ins>

<script>

     (adsbygoogle = window.adsbygoogle || []).push({});

</script>

భార‌త్ బంద్‌కు YSR తెలంగాణ పార్టీ సంపూర్ణ మ‌ద్ద‌తిస్తుంది.

*తేదీ: 26-09-2021*

*భార‌త్ బంద్‌కు YSR తెలంగాణ పార్టీ సంపూర్ణ మ‌ద్ద‌తు*

కేంద్ర ప్ర‌భుత్వం తీసుకువ‌చ్చిన న‌ల్ల చ‌ట్టాల‌కు వ్య‌తిరేకంగా సోమ‌వారం (27-09-2021) త‌ల‌పెట్టిన భార‌త్ బంద్‌కు YSR తెలంగాణ పార్టీ సంపూర్ణ మ‌ద్ద‌తిస్తుంది. రైతు చ‌ట్టాల‌ను ర‌ద్దు చేయాల‌ని పార్టీ డిమాండ్ చేస్తోంది. రైతు సంఘాలు, YSR తెలంగాణ పార్టీ నాయ‌కులు, కార్య‌క‌ర్త‌లు శాంతియుతంగా బంద్‌లో పాల్గొని, కేంద్ర‌, రాష్ట్ర ప్ర‌భుత్వాల నిరంకుశ విధానాల‌ను ఎండ‌గ‌ట్టాల‌ని విజ్ఞ‌ప్తి. 

<script async src="https://pagead2.googlesyndication.com/pagead/js/adsbygoogle.js?client=ca-pub-9358413606572061" crossorigin="anonymous"></script> <ins class="adsbygoogle" style="display:block" data-ad-format="fluid" data-ad-layout-key="-ft-q-57-df+1gc" data-ad-client="ca-pub-9358413606572061" data-ad-slot="1239354153"></ins> <script> (adsbygoogle = window.adsbygoogle || []).push({}); </script>

*ఇట్లు*

*N. Bharath Reddy*

*Media Coordinator*

+91 9959360860,

YSR తెలంగాణ పార్టీ

ఈ డబ్బులన్నీ నీ జాగీరు కాదు బిడ్డా

భయం గుప్పిట్లో హుజూరాబాద్

దళితబంధు కావాలంటే కేసీఆర్ జెండా పట్టుకోవాలట

18 ఏళ్లు కష్టపడితే నీవు ఇచ్చిన గిఫ్టు ఇదా? 

ఈ డబ్బులన్నీ నీ జాగీరు కాదు బిడ్డా

కమలాపూర్ లో కేసీఆర్ పై ఈటల గర్జన

హనుమకొండ, ప్రజాజ్వాల:

సీఎం కేసీఆర్ పై మరోసారి గర్జించారు మాజీ మంత్రి బీజేపీ నేత ఈటల రాజేందర్. నాలుగు నెలలుగా హుజురాబాద్ లోని ఊళ్లకు ఊళ్లు భయం గుప్పిట్లో గడుపుతున్నారని ఆరోపించారు. కమలాపూర్ మండలం భీంపెల్లిలో వివేక్ వెంకటస్వామితో కలిసి.. మాజీ మంత్రి ఈటల రాజేందర్ కేసీఆర్ పై మండిపడ్డారు. దళితబంధు కావాలంటే కేసీఆర్ జెండాలు పెట్టుకోవాలట,ఫించన్ రావాలంటే గులాబీ కండువా వేసుకోవాలట. రైతు బంధు కావాలంటే వాళ్లకే ఓటు వేయాలట

ఈ డబ్బులన్నీ నీ జాగీరు కాదు బిడ్డా.. ఈ డబ్బు మా ప్రజలు కట్టిన పన్నుల ద్వారా వచ్చాయని వ్యాఖ్యానించారు. 

కేసీఆర్ కు అధికారం కట్టబెట్టింది.. కేవలం కాపాలదారుగా ఉండమని మాత్రమే. ఆయన ఓనర్ కాదన్నారు.  ఈ డబ్బుకు మనమే ఓనర్లం.. కాపాడాల్సింది కేసీఆర్. కాపాడమని ఇస్తే.. మనమీదనే పెత్తనం చేస్తుండు. ఇటెటు రమ్మంటే ఇల్లంతా నాదే అంటున్నాడు. అని విమర్శలు చేశారు.

కళ్లులేని ఓ కబోదుల్లారా రండి.. మా దగ్గర జరిగిన అభివృద్ధి చూపిస్తా అని,  నేను కట్టిన బ్రిడ్జిలు, చెక్ డ్యాంలు చూడండి అని, నేను రాకముందు వానలు వస్తే ఊర్లు దాటి బయటకు వచ్చే పరిస్థితులు ఉండేవి కాదన్నారు. వాళ్లు ఎంతగా అబద్ధాలు ఆడుతున్నారో హుజురాబాద్ ప్రజలకు అర్థమైందన్నారు. రాత్రి 11 గంటలకు, 12 గంటలకు మంత్రులు.. డీసీఎంలలో లిక్కర్, మాంసం తీసుకువచ్చి ఊర్లన్నింటినీ బార్లుగా మార్చారన్నారు. ఇప్పుడు దావతులిచ్చి గ్రామాల్లో పిల్లలను తాగుబోతులను చేస్తున్నారు. తాగి ప్రమాదాల భారిన పడుతున్నారు. ఊర్లలో గొడవలవుతున్నాయి. వచ్చినవాళ్లంతా ఊర్లలో చిచ్చుపెట్టేందుకు వచ్చారు. టీఆర్ఎస్ పార్టీ పుట్టి 20 ఏళ్లైతే.. నేను ఆ పార్టీలో 18న్నర ఏళ్లు ఉన్నానని, నేను మధ్యలో వచ్చి మధ్యలో పోయానంటున్నారని ఆవేదన వ్యక్తం చేశారు. 

నేను గడ్డిపోచనని పీకేస్తో పోతాననుకున్నాడు ముఖ్యమంత్రి అని,  తానిచ్చిన బీఫారంపై, కారుగుర్తుపై గెలిచానని.. నన్ను విసిరేసాడని , అక్కరకొచ్చినన్ని రోజులు నన్ను వాడుకుని విసిరేసారని ఆవేదన చెందారు. ఒడ్డెక్కదాకా ఓడమల్లన్న, ఒడ్డెక్కినంక బోడమల్లన్నలాగా చేసారన్నారు. 2019లో ఇక్కడి కరీంనగర్ పార్లమెంట్ నుంచి ఓడిపోయిన వినోద్ కుమార్ కు హుజురాబాద్ లో మాత్రం 54 వేల మెజార్టీ ఇచ్చామన్నారు. తెలంగాణ భవన్ లో ప్రెస్ మీట్ పెట్టి.. రాజీనామా చేయమని నాకు సవాల్ విసిరారు. ఇజ్జత్ లేని దగ్గర ఉండకూడదని.. నా ఆత్మగౌరవం కంటే పదవి పెద్దది కాదని రాజీనామా చేసి మీ ముందుకు వచ్చానన్నారు. నాకు 200 ఎకరాలు ఉందని ఒకడంటండు.. ఇంకొకడు 7 వేల ఎకరాలు అంటున్నడు. ఏది నిజమో చెప్పాలన్నారు. రెండు గుంటలున్నోడితే పోటీ అంటున్నారు. మరి రెండు గుంటలమ్మితే లక్ష రూపాయలు మాత్రమే వస్తాయి. ఇప్పటికే 2 గుంటల కలిగినోడు.. 250 కోట్లు ఎలా ఖర్చు చేసాడని ప్రశ్నిస్తున్నారు.. ఎన్నివందల కోట్లైనా ఖర్చుచేయండి, ఎన్ని దొంగనోట్లైనా నమోదు చేయండి.. ఏమైనా చేయండి.. ఈటల రాజేందర్ ముఖం మాత్రం అసెంబ్లీలో కనిపించకూడదని కేసీఆర్ హుకుం జారీ చేసాడని తెలిపారు.ఆ పని జరుగుతుందా..? పార్టీ నీదే కావచ్చు.. కానీ ఓట్లు మా ప్రజలవి అన్నారు.

నీ పదవి పుట్టిందే మా తెలంగాణ ప్రజల ఓట్లకు అని మరిచిపోవద్దన్నారు ఈటల. నా పదవి కూడా నాకు ప్రజలు పెట్టిన బిక్షగా భావించాను. కానీ నీవు కళ్లు నెత్తికెక్కి మాట్లాడుతున్నావన్నారు. ఇక్కడున్న ప్రజలు గొర్రెలు కాదు.. చైతన్యవంతమైన ప్రజలు ఇక్కడున్నారు. ఈ మట్టిలో ఉన్నది చైతన్యం, పౌరుషం... మా బిడ్డలను డబ్బుతో కొనాలని చూస్తే ఖబర్ధార్. ఢిల్లీకి వెళ్లి పండగులున్నాయని, కరోనా ఉందని ఎన్నికలు పెట్టొద్దని అడుగుతున్నాడన్నారు. నీకు దమ్ముంటే ఎన్నికలు పెట్టి ధర్మంగా కొట్లాడు... నీకు డిపాజిట్ కూడా రాదన్నారు. నీవు కాదు కదా.. నీ జేజమ్మ వచ్చినా నీకు డిపాజిట్ రాదన్నారు. ఇది మాది.. 90 శాతం ప్రజలు ఎప్పుడు ఎన్నికలు వచ్చినా నావెంటే ఉన్నారు. నాలుగు నెలల 25 రోజులుగా కొట్లాడుతున్నా.. నా దగ్గర పైసలు అయిపోయినయి అనుకుంటున్నరట. మీ ప్రేమ ఉన్నాక.. నాకు డబ్బులెందుకు ఖర్చవుతాయి.నిజంగా నాకు డబ్బులే అవసరముంటే.. 18 ఏళ్లుగా ప్రజలకోసం పనిచేసిన నేను పిలుపునిస్తే ఇంటికి వెయ్యో, రెండువేలో ఇచ్చేందుకు సిద్ధంగా ఉన్నారు. ఈసారి ఖర్చు కూడా తక్కువేనని నా భార్య చెబుతోంది అన్నారు

 నా భార్య సంపాదిస్తేనే తెలంగాణ ఉద్యమం నడిచింది.. నా భార్య సంపాదిస్తేనే నీ వాహనాల్లోకి డీజిల్ వచ్చింది. 18 ఏళ్లు కష్టపడితే నీవు ఇచ్చిన గిఫ్టు ఇదా? నా కుటుంబాన్ని ఇబ్బంది పెట్టి.. తెలంగాణ సమాజంలో నన్ను దోషిగా నిలబెట్టే ప్రయత్నం చేసాడు. ఒక్క ఎకరం ఆక్రమించుకున్నా ముక్కు నేలకు రాస్తానని నా భార్య సవాల్ చేసింది. లేకుంటే కేసీఆర్ ముక్కుకు నేలకు రాస్తాడా అని అడిగింది. నాభార్య, కొడుకు ఇప్పటికీ సద్ది కట్టుకుని వెళ్లి కష్టపడుతారు. నీ ఇంట్లో ఎవరు పనిచేస్తారు? ఇంత డబ్బు ఎక్కడినుంచి వచ్చింది. నీ భూములమ్మావా? కూలిపని చేసావా..? ఇక్కడ ఖర్చు చేసే 200 కోట్లు ఎట్లా వచ్చాయి. హుజురాబాద్ లో దళితబంధు పేరుతో మోసం చేస్తే చాలనుకున్నావు.. కానీ ఇది పామై నీ మెడకు చుట్టుకుంటుంది. నా సభకు డప్పులు కొట్టడానికి వచ్చిన వారికి దళితబంధు రాదని బెదిరిస్తే వాళ్లు కన్నీళ్లు పెట్టుకుంటున్నారు. 2 గంటలు డప్పులు కొట్టేందుకు రాకుండా దూరముండి.. మళ్లీ మా రాజేందర్ కోసమని వచ్చారు. డప్పు కొట్టాలన్నా వాళ్ల పర్మిషన్ కావాలట. ఏడున్నరేళ్లలో దళిత సమాజానికి ఒక్క స్కీం అయినా ఇచ్చాడా? మనం దేవునిలా భావించే అంబేద్కర్ జయంతికి, వర్ధంతికి ఒక్కనాడైనా దండవేసాడా? హుజురాబాద్ ఎన్నికలొచ్చాక.. ఇప్పుడు దండలేస్తున్నాడు. జై భీం, జై అంబేద్కర్ అంటున్నాడని వివరించారు. 

<script async src="https://pagead2.googlesyndication.com/pagead/js/adsbygoogle.js?client=ca-pub-9358413606572061"
     crossorigin="anonymous"></script>
<ins class="adsbygoogle"
     style="display:block"
     data-ad-format="fluid"
     data-ad-layout-key="-ft-q-57-df+1gc"
     data-ad-client="ca-pub-9358413606572061"
     data-ad-slot="1239354153"></ins>
<script>
     (adsbygoogle = window.adsbygoogle || []).push({});
</script>

నీకు దళితులపై ఉన్న ప్రేమ నిజమే అయితే.. దళితబంధు సొమ్ముపై కలెక్టర్, బ్యాంకు అధికారుల పెత్తనం తీసేయాలి. దళితబంధు సొమ్మును స్వేచ్ఛగా ఖర్చు చేసుకునే అవకాశం ఇవ్వాలి. తెలంగాణలోని దళితుల కుటుంబాలన్నింటికి హుజురాబాద్ ఎన్నికల్లోపు డబ్బులు ఇవ్వాలి. ఎన్నికల్లోపు డబ్బులు రాకపోతే.. ఎగనామం పెట్టడం ఖాయం. ఎగనామం పెట్టడం కేసీఆర్ కు చాలా సులువు. కేసీఆర్ దగ్గర డబ్బుల్లేవు. మహిళలకు పావలా వడ్డీ రుణాలు నాలుగేళ్లుగా ఇవ్వలేదు. కానీ కేవలం హుజురాబాద్ లో మాత్రం ఓట్ల కోసం మొన్న ఇచ్చారు. మిగతా చోట్ల ఇప్పటికీ ఇవ్వలేదు. సర్పంచుల్లారా, ఎంపీటీసీల్లారా.. మీకు బిల్లులు రిలీజ్ అయ్యాయంటే నావల్లే. యాదవులకు గొర్రెలు వచ్చింది కూడా నావల్లే. నాలుగేళ్ల కిందటే డీడీలు కట్టినా ఇన్నేళ్లు ఇవ్వలేదు. కేసీఆర్ మీకు పథకాలతోపాటు.. నన్ను పొడవమని ఓ కత్తి కూడా ఇస్తున్నాడు. గడ్డిపోచనుకున్న ఈటల గడ్డపారలాగా ఉన్నాడని..ప్రజల తరపున అసెంబ్లీలో మాట్లాడుతాడని కేసీఆర్ భయపడుతున్నడు. నీచమైన కుట్రతోనే నా గొంతు నులిమే ప్రయత్నం చేస్తున్నాడు. ఆ కుట్రలో మీరు భాగస్వాములు కావద్దు. తెలంగాణకు వేగుచుక్క హుజురాబాద్ కాబోతోంది. ఆ బాధ్యత తీసుకుని మీరు ధర్మాన్ని గెలిపించాలని పిలుపునిచ్చారు.

మనుషుల్లో పశు వాంఛ

మనుషుల్లో పశు వాంఛ

పసిపిల్లలపై పైశాచికం

మత్తులో మునిగితేలే మాయ 

మమతానురాగాలే మరిచేనా

మానవా మత్తు మానవా ....?

హైదరాబాద్, ప్రజాజ్వాల:

మత్తు మనుషులను గమ్మత్తుగా మాయం చేస్తుంది. మత్తు లేనిదే మనిషి లేడు. మమతానురాగాలు మాయమైనయ్ .. వావివరసలు , రక్త సంబంధాలు, అన్ని మత్తులోనే కొట్టుకుపోతున్నాయ్.. చిన్నా పెద్ద మర్యాదలన్నీ మత్తులోనే ... నీటి బుడగ లాంటి జీవితం నిజమవుతున్న తరుణమిదే.. ఆస్తులు అంతస్తులు అవసరమే లేదు. ఆ నిమిషం మైమరిచిపోయే మత్తు కావాలి.. అది ఉంటే చాలు... కొండంత ధైర్యం,.. జీవితమే ఆనందమయం.. అది ఉంటే చాలు .. ఈ లోకమేమైనా పరువాలేదు. పరేషాన్ అక్కర్లేదు.. నిదురలో తేలియాడుతూ బతికేయచ్చు.. అలాంటి మత్తు మనుషులను కమ్మేస్తోంది.. నెమ్మదిగా నిమురుతూ అచేతనంలో పడేస్తూంది. మత్తులో మనిషి అచేతన స్థితికి దిగజారుతూ.. నేడు జరుగుతున్న అన్ని నేరాలు ఘోరాలకు కారణమవుతున్నాడు. మనిషి అంటే కేవలం పురుషుడనే కాదు.. స్త్రీ పురుషులనే తేడా లేకుండా ఈ మహమ్మారి మత్తు ముంచేసింది.. 

మొన్నటికి మొన్న తెలంగాణ మొత్తం కొవ్వొత్తులతో దద్దరిల్లేలా చిన్నారి ఆత్మకు శాంతి చేకూరాలని ఆందోళనలతో రొడ్డెక్కారు. ప్రభుత్వం విఫలమైందని, సఫలమైందని నానా నినాదాలు చేశారు. లక్షల రూపాయల బహుమానాలు ప్రకటించి పాపాత్ముడిని పనిలో పడ్డారు. తీరా ఆ దుర్మార్గుడు రైలు కింద పడి చనిపోయాడని , ఖేల్ ఖతం అన్నారు.. అంతకు ముందు నలుగురు యువకులను నడిరోడ్డుపై కాల్చి చంపి దిశ కథను ఖతం చేశారు. అంతకు ముందు శ్రీనివాస్ రెడ్డి అనే దుర్మార్గుడిని ఉరితీయాలని ఒక ఊరు మొత్తం ఆందోళన చేసింది. ఇలా మత్తులో తూగుతూ మనుషుల ప్రాణాలు తీస్తున్న దుర్మార్గుల వార్తలు రాగానే లొల్లి చేయడం .. మరిచిపోవడం మామూలే అయ్యింది. మరి ఇంత పెద్దగా రాద్దాంతాలు చేసే ప్రజానీకం..అసలు మూలా కారణాలపై ధర్నాలు , ఆందోళనలు చేయడం లేదు ఎందుకు. నేరం జరిగిందంటే దాని వెనుక కక్షలు, కుట్రలు ఎన్ని ఉన్నా ఆ నేరానికి బలం ఊతమిస్తుంది కేవలం మత్తు అనే సంగతి అందరికి తెలుసు. కానీ సామాన్యుడు నుంచి మేథావుల వరకు మద్యపానం నిషేదం గురించి మాట్లాడే నాథులే లేరు.. మంత్రులు, ముఖ్యమంత్రులు పాలకులు, ప్రతిపక్షాలు సైతం మద్యం మత్తు పానియాలు బందు పెట్టాలని ఎందుకు గట్టిగా నిరసనలు చేయడం లేదు.. నిరుద్యోగుల కోసం , రైతుల కోసం,  ఆత్మహత్యలు, హత్యాచారాలపై రొడ్డెక్కి నిరసనలు ధర్నాలు చేసే మానవతావాదులు మందు మద్యం, మత్తుపై ఎందుకు నోరు మెదపరు.. ఒక హంతకుడిని ఉరి తీసే వరకు ఊరుఊరు నిద్రహారాలు మాని నిరసనలు తెలిపినట్టే మాయదారి మత్తును వదిలించేందుకు సన్నద్దం కావచ్చు కదా...

 ఇప్పటి వరకు నమోదైన పరిష్కరించబడిన కేసులన్నీ నేరాలు, ఘోరాలు చూస్తే అందులో ప్రధాన నిందితుడు , పరోక్ష నిందితుడు కేవలం మత్తుకు బానిసై ఉండటమే., భార్య భర్తల మధ్య గొడవలకు, వివాహేతర బంధాలకు, అత్యాచారాలకు, ఆస్తి తగాదాలకు, హత్యలకు, రాజకీయ కుట్రలకు ప్రధాన మూలం మత్తు పానియమే బలం.. కానీ రాష్ట్రంలో , దేశంలో అటువంటి సంపూర్ణ మద్యపాన నిశేదం జరుగదు. అలా చేస్తే ఆ నాయకులు గద్దె మీద ఉండలేరు.. అసలు రాజ్యమంతా దాంతోనే బతుకీడుస్తుందా అంటే ఆ మేదావులు అవును అంటున్న పరిస్థితి.. ఇటీవల ఉద్యోగాలకు, ఉపాధి కల్పనలో, వెనుక బడిన సామాజిక వర్గాన్ని ప్రోత్సహించేందుకు ప్రభుత్వం కల్పించిన 15శాతం రిజర్వేషన్ ఎంత హాస్యాస్పదమో.. ఎవరైనా చదువుకోడానికి , ఉద్యోగాలు  పొందటానికి రిజర్వేషన్లను ప్రకటిస్తారు. కానీ.. ఏకంగా మద్యం దుకాణాలు పెట్టుకోవడానికి రిజర్వేషన్ వ్యవస్తను తీసుకువచ్చారంటే మన మనుషులకు మత్తు అవసరం ఎంత ఉందో అనేది స్పష్టమవుతుంది.. ఇక్కడ రిజర్వేషన్ కల్పించడం ప్రభుత్వం తప్పు అని మాట్లాడుతున్నారు .. కానీ ప్రజలకు దాని అవసరం అధికంగా ఉంది కాబట్టే... ప్రభుత్వం తప్పని పరిస్థితుల్లో అటువంటినిర్ణయం తీసుకోవాల్సి వచ్చిందేమో అనిపిస్తుంది. 

నేరం ఎక్కడ ఏ పరిస్థితిలో జరిగిన ఆ క్షణంలో మాయదారి మత్తు మూల కారణంగా విచారణలో తేలుతుంది. డ్రంక్ అండ్ డ్రైవ్ లు పెట్టి మందు కొట్టిన వారికి జరిమానాలు విధించడం ,.. కంటే అసలు ఆ మాయదారి  వ్యవస్థను మార్చడానికి ఎందుకు పూనుకోవడం లేదు.. ఎంతో మంది మేథావులు , ఎంతో మంది మానవతావాధులు ఉన్న దేశంలో ఎందుకు మద్యపాన నిశేదం సాద్యం కాలేకపోతుంది. దేశం మొత్తం మత్తుపైనే ఆధారపడిందా ...? మత్తు పానియాల ఆదాయంతోనే ప్రభుత్వాలు పాలన కొనసాగిస్తున్నాయా? మత్తు లేకుంటే దేశప్రజలు బతుకలేరా..? అనేక సందేహాలు వ్యక్తమవుతున్నాయి.. 

ఓ చిన్నారి బలి అయ్యిందని రోడ్డెక్కి నిరసనలు చేసే మానవతావాదులు ఒక్కసారి పిడికిలి బిగించి ఏకమై అదే విధంగా మాయదారి మత్తును నిషేదించాలని రోడ్డెక్కితే సమస్యకు పరిష్కారం లభించదా...? దేశంలో కానీ, రాష్ట్రంలో కానీ, జిల్లాలో ఏ మూలనా ఏ చిన్న పెద్ద నేరం జరిగినా ఆ బాధ్యులు మత్తుకు బానిసైల ఉండటం సహజమైనదిగా తెలుస్తుంది. ఇలాంటి మద్యపాన మత్తు వ్యవస్థపై ఇప్పటికైన మేథావి వర్గాలు చర్చించి.. సంపూర్ణ మద్యపాన నిర్మూలనకు దోహదపడాలని ఆశీస్తూ.... రఫీ మహ్మద్, ఫ్రీలాన్స్ జర్నలిస్ట్

పంచాయితీరాజ్ శాఖ ఉత్తర్వులు బేఖాతరు

పంచాయితీరాజ్ శాఖ ఉత్తర్వులు బేఖాతరు

యధేచ్ఛగా ప్రజాప్రతినిధుల సంబంధీకుల జోక్యం

ప్రజాప్రతినిధుల తీర్మానాల్లో వాళ్లదే పెత్తనం

అధికారిక సమావేశాల్లో అనధికారిక ప్రవేశం

చిరుద్యోగులపై చిందులేసే చిల్లర నేతలు

సర్పంచ్, ఎంపిటీసీ, ఎంపీపీ భర్తల బరితెగింపు

భార్యల పదవులతో బినామీ రాజకీయాలు

ఏకగ్రీవంగా ఎన్నికైన మహిళలకు లేని స్వేచ్ఛ

ఎక్కడ సంతకం పెట్టమంటే అక్కడ పెట్టాలే 

రాజకీయమంతా వాళ్ల భర్తలు, బంధువులదే

అడ్డగోలు పంచాయితీ సెటిల్ మెంట్ల దందా

అధికారులను దబాయించి  బిల్లులెత్తి

చేతివాటాలకు ప్రజాధనం దుర్వినియోగం

అడిగిన వారు కంటు.. మాకేందుకులే రిస్కు

హైదరాబాద్, ప్రజాజ్వాల:

 పంచాయితీ రాజ్ శాఖ ఇటీవల జారీ చేసిన ఉత్తర్వులు బేఖాతరు చేస్తున్నారు బినామీ నేతలు. గ్రామసభలు, మండల పరిషత్ సమావేశాల్లో ప్రజాప్రతినిధిగా ఎన్నుకోబడిన మహిళలకు బదులుగా వారి భర్తలు, కొడుకులు , తదితర బంధువులు పాల్గొని పంచాయితీ తీర్మానాలు చేసేస్తున్నారు. దర్జాగా పనులు చేసినట్లు చూపించుకొని బిల్లులు దండుకుంటున్న వైనం నియోజకవర్గంలోని మహిళలు ప్రజాప్రతినిధులుగా ఉన్న ప్రతిగ్రామం, మండలంలో స్పష్టంగా కనబడుతోంది. ఒక గ్రామంలో తల్లి సర్పంచ్.. పండు ముదుసలి.. మంచానపడి చాలా కాలమైంది.. ఇంటి వెనుక ఓ షెడ్డులో ఆమె ఉంటుంది.. కానీ ఆ గ్రామ రాజకీయమంతా ఆమె చిన్నకొడుకు చేస్తాడు.. అధికారులు ఎవరు వచ్చిన ఆయన చెప్పినదే వింటారు .. ఆయననే సంప్రదిస్తారు.. అసలు ఆమెకు గ్రామ సభ అంటే ఎంటో తెలియదు.. గ్రామపంచాయితీ సెక్రటరీ ఎవరో తెలియదు.. దర్జాగా డబ్బులు దండుకొన్న కొడుకు మాత్రం రెండంతస్తుల ఇల్లు కట్టుకున్నాడు.. ఇదీ రాజకీయం.. ఏకగ్రీవంగా ఎన్నుకోబడిన మహిళ సర్పంచ్ ది మరో కథ.. అసలు గ్రామపంచాయితీలో ఏం జరుగుతుందో తెలియదు.. రోజు పొద్దున్నే తోటి మహిళలతో కూలీ కి పోవడమే ఆమెకు తెలుసు.. ఆమె భర్త, మామలు ఎక్కడ సంతకం పెట్టమంటే అక్కడ పెట్టేస్తుంది.. అవన్నీ వాళ్లే చూసుకుంటారని తాపీ చెప్పి తన పని తాను చేసుకుంటూ పోతుంది.. మరోచోట భార్య ఎంపీటీసీగా ఎన్నికైన సంగతికూడా ఆమెకు తెలియదు. భర్త ఏం రాజకీయం చేస్తున్నాడో తెలియదు.. ఒక్కోక్క సారి కొందరు ప్రత్యేక అధికారులు వచ్చినప్పుడు మాత్రం వీళ్లను ముస్తాబు చేయించుకొని ఆయా సభలకు, సమావేశాలకు తీసుకెళ్లి వాళ్లతో పాటు వీళ్లు కూడా కూర్చుని పనికానిచ్చేస్తారు.. కాదు కూడదు అంటే పై నున్న మంత్రివర్గం నుంచి ఒత్తిడి తీసుకొస్తారు. స్వాతంత్ర్యం వచ్చి75 ఏళ్లు గడిచినా ఇలాంటి నిరంకుశ వ్యవస్థ ఇంకా కొనసాగుతోంది. ప్రజాస్వామ్యబద్ధంగా మహిళలన అభ్యున్నతికి రాజకీయాల్లో మహిళల కోసం, చట్టసభలలో వారికి సముచితస్థానం కల్పించాలని నిర్దేశించబడిన అవకాశాలు అడ్డదారి తొక్కుతున్నాయి.. అయితే ఈ నియోజకవర్గంలో ఇటీవల హరితహారం, మిషన్ భగీరథ పనులు చేపట్టడానికి వచ్చిన ప్రత్యేక అధికారులు కొన్ని గ్రామాలు, మండలాల్లో పరిస్థితిని గమనించి , వాళ్లకు స్వేచ్ఛ లేకుండా పోయిందని వాపోయారు. కానీ తమకు ఎందుకు వచ్చిన రిస్కు అంటూ చూసిచూడనట్లు వెళ్లిపోయారు.. అలాంటప్పుడు పంచాయత్ రాజ్ శాఖ జారీ చేసిన ఉత్తర్వులు కేవలం కలెక్టర్ల వరకే పరిమితమైనట్లేనా..?  

 

అప్పు ఆప్ లకు ఆత్మార్పణం

ఆకట్టుకునే ఆఫర్లతో అమాయకులు బలి

చీట్ చేస్తున్న చిట్ ఫండ్ మాయగాళ్లు

సొచ్చేదాకా సోమలింగం సొచ్చినాకా రామలింగం

ఇచ్చేదొకరు వసూలు చేసేది మరొకరు

క్రెడిట్ కంపెనీల కిరాతక వడ్డీలు

క్రెడిట్ స్కోరు బాగుంది బాకీ తీసుకో

పే లేటర్ పేరుతో  వస్తు విక్రయాలు

పేమెంట్ లేటైతే ఫోన్లతో పరేషాన్

క్రిమినల్ కేసులు నోటీసులతో కిరికిరి 

ఆదాయానికి మించి అప్పులు చేసి

ఆత్మగౌరవం చంపుకోలేక ఆత్మహత్యలు

వడ్డీ వ్యాపారం వ్యభిచారం కంటే హీనం

పురాణాలు, పవిత్ర గ్రంధాలు చెబుతున్న నిజాలు

రాష్ట్రంలో విచ్చలివిడిగా వడ్డీ కంపెనీలు

అప్పులిచ్చిన ఆప్ ల అరాచకాలు

హైదరాబాద్, ప్రజాజ్వాల:

తెలంగాణలో అధికశాతం ప్రజలు అప్పుల ఊబిలో కొట్టుమిట్టాడుతున్నారు. అవసరం లేకున్నా అప్పులు చేసి ఆగమైతున్నారు. ఆస్తి పాస్తులు లేని వారు రోజు వారి కూలీలు ప్రశాంతంగా పనులు చేసుకుని బతుకుతుంటే.. వచ్చినదాంతో సంతోషంగా కాలం వెళ్లదీస్తున్నవారిని వడ్డీ వ్యాపారులు వలవేసి పట్టుకుంటున్నారు. ఆకాశంలో మేడలు కట్టి చూపిస్తూ వాళ్ల ముగ్గులోకి దించేస్తున్నారు. చిట్టీపాటలంటూ పల్లేపల్లేలో పరేషాన్ చేసేస్తున్నారు. అవసరం లేకున్నా అప్పు ఇవ్వడానికి సిద్దంగా ఉన్నారు కాబట్టి తీసుకుంటే పోదా అనుకున్న అమాయకులు ఆ తరువాత లబోదిబోమంటూ కోరి కష్టాలు తెచ్చుకుంటున్నారు. ఇప్పుడున్న స్మార్ట్ ఫోన్ యుగంలో ఇక లోన్ ఆప్ ల ఆగడాలకు అంతే లేకుండా పోయింది. ఫోన్ ఓపెన్ చేస్తే చాలు ... అడ్డగోలు యాడ్ లతో అమాయకులను బుట్టలో వేసేసుకుంటాన్నాయి. లోన్ కావాలా.. అయితే కేవలం ఆధార్ కార్డు , పాన్ కార్డు ఉంటే చాలు .. మీ అకౌంట్లో నిమిషాలు మీరు కోరిన డబ్బు తీసుకోవచ్చు.. సులువైన వాయిదా పద్దతుల్లో తిరిగి చెల్లించవచ్చు అంటూ ఆఫర్ల ఆప్ లు గందరగోళం చేసేస్తున్నాయి. వారి చిక్కుముడులు చదవకుండా క్లిక్ చేసిన వారు ఇక వడ్డీకి వడ్డీ కట్టలేక కన్నీరుపెడుతున్న దుస్తితి నెలకొంది.. కొన్ని చిట్ ఫండ్ కంపెనీలు సైతం వాళ్ల సేల్స్ ఎగ్జిక్యూటివ్ లను పంపించి మర్యాదగా మాట్లాడుతూ చిట్టీలో చేర్పిస్తారు. అడిగినంతగా అప్పుకూడా ఇచ్చేస్తారు.. ఆ తరువాత ఇచ్చినప్పుడు మాట మర్యాదలు అసలు ఉండవు.. రికవరీ టీమ్ లతో రికాం లేని ఫోన్లు.. రికవరీ బ్యాచ్ లతో రోజురోజు తంటాలు.. తల ఎక్కడ దాచుకోవాలో తెలియక తొందరపాటుతో తాడుకు వేళాడుతున్న తలకాయలు.. ఈ పాపం ఎవరిది.. తెలిసి తెలియక అప్పులిచ్చే ఆప్ , క్రెడిట్, చిట్స్ ఫండ్ కంపెనీలది  కాదా.. వీరికి ఎవరు ఇచ్చారి ఇంతగా స్వేచ్ఛ..  20 ఏళ్ల క్రితం అప్పు అంటే ఓ తెల్లకాగితంలో తెలిసిన వారు అవసరాన్ని గుర్తించి  ఒప్పంద పత్రం రాయించుకుని ఓ కటుంబాన్ని నిలబెట్టడానికో... ఓ ప్రాణాన్ని కాపాడటానికో అప్పు ఇచ్చేవారు.. తీసుకునేవారు.. కానీ నేడు అటువంటి సంప్రదాయాలు లేవు.. తెల్లకాగితం చోట రూపాయి కాగితం అదే ప్రామిసరీ నోటు పుస్తకమే మేంటేన్ చేస్తున్నారు. దానికో రూపాయి స్టాంప్ వేసుకుని మూడు పైసల వడ్డీ నుంచి ముప్పై పైల వడ్డీ వరకు వచ్చింది వ్యాపారం.. గ్రామ గ్రామానా ప్రామీసరి నోటు పుస్తకాల దందాలు ఓ వైపు ఉంటే ...మరో చిట్టీ పాటల లొల్లి మరోవైపు.. వారం చిట్టిలనీ, రోజువారి ఫైనాన్స్ లనీ వీది వ్యాపారులను టార్గెట్ చేసి దందా చేస్తున్నాయి. పొద్దంతా కష్టపడి చెమటోడ్చి సాయంత్రానికి వచ్చే ఫైనాన్స్ వాడికి ఇవ్వాలి.. వ్యాపారంలో నష్టమొచ్చినా లాభమొచ్చినా సంబంధం లేకుండా ఏరోజుది ఆరోజు ఇస్తూనే ఉండాలి.. పొరపాటున ఒకరోజు వ్యాపారం నడవలేదంటే తరువాత రోజు దుకాణమే మూసుకోనే పరిస్థితి..  నేడు తెలంగాణ మొత్తం ప్రగతిపథంలో పరుగెడుతోందని ప్రభుత్వం చెప్పటమే కానీ ప్రతి ఒక్కరు అప్పుల కుంపటిలో కాలి మసైపోతున్నారనేది అక్షరసత్యం.. 

రానురాను ఆన్ లైన్ లోన్ యాప్ లదైతే ఇక చెప్పనక్కర్లేదు.. ఆన్ లైన్ లోనే వస్తువులు కొనుగోలు చేసుకునే వెసులుబాటు ఇస్తూ.. నెల వారిగా ఈఎమ్ఐలో చిన్నపాటి ఉద్యోగాలు చేసుకునేవారిని ఉరికంబాలనెక్కిస్తున్నాయి. షాపింగ్ కార్డులను ఎరగా వేసేవారు.. ఎంచక్కా వాళ్ల టార్గెట్ రీచ్ అవుతారు.. దిక్కుమాలిన కార్డులను అమాయకుల మెడకు చుట్టి పోతారు.. అదేదో బాగుందని వాడినవాళ్లు ఆ కార్డు ఉన్నంతకాలం కట్టు బానిసలుగా బతుకాల్సిందే.. కాదు కూడదంటే క్రిమినల్ కేసుల కుంపటిలో కాలి మసైపోవాల్సిందే...ఇలాంటి దారుణాలు రోజు కళ్ల ముందెన్నో జరుగుతున్నాయి.. ఈ అరాచకాలకు బలైనవారు ఎక్కడో హైదరాబాద్ లోనో,. ఢిల్లీలో నో కాదు మీరే కావచ్చు.. మీ సంబంధీకులే కావచ్చు.. ప్రతిరోజు మదన పడుతున్న వారు మీ చుట్టుపక్కనే ఉన్నారు.. కానీ ఎవరూ ఏమీ చేయలేని పరిస్థితి.. అలాంటి భయానక వ్యవస్థ నేటి వడ్డీ వ్యాపారం .. అదే వ్యభిచారం..

అప్పుల బాధతో యువకులు ఆత్మహత్య చేసుకున్నారని తెలియగానే హడావుడి చేసిన ప్రభుత్వ యంత్రాంగం, పోలీసులు కొన్ని యాప్ లపై చర్యలు తీసుకుంటున్నాయని తెలిపి ఆ తరువాత మరిచిపోయాయి. అప్పుల బాధతో రైతుఆత్మహత్య చేసుకుంటే అదేదో ప్రభుత్వం పథకం కింద 5లక్షలు ఇస్తుందే తప్ప మరో రైతు, మరో వ్యక్తి అప్పుల ఊబిలో బలి కాకుండా శాశ్వత పరిష్కారమార్గాల ప్రయత్నాలే చేయడం లేదు.. 

అప్పు తీసుకో.. ఆస్తి సంపాదించుకో.. అంటూ ఆఫర్లు ప్రకటిస్తూ మూలకు కూర్చున్న వాడిని తట్టి లేపి తంటాల్లో పడేస్తున్నాయి.. అప్పు లేనివాడికి ఓ నెల ఓ సంవత్సరంలా కనబడుతుంటే... అప్పు చేసిన పాపానికి ఒక నెల ఒక్క రోజుతో సమానమైనట్లు తెలుస్తోంది.. ఉన్ననాడు ఉన్నంతలో గడిపి లేనినాడు పస్తులుండే ప్రాణాలు నేడు అప్పుల కుంపటిలో పడి గిలగిల కొట్టుకుంటున్నాయి. అమ్మో ఒకటో తారీఖు మద్యతరగతివాడి తిప్పలు సినిమా మాదిరిగానే ఇప్పుడు అన్ని వర్గాల వారిని అప్పులు తిప్పలు పెడుతున్నాయి. కేవలం మద్య తరగతివాడేనని కాదు.. రోజు కూలి చేసుకునే వాళ్ల నుంచి కుబేరుల వరకు అప్పుల ముప్పులో మునిగి తేలుతున్నారంటే ... ప్రస్తుత పరిస్థితులకు కారణమెవ్వరు..

అప్పుల బాధపై ఓ చిన్న కుటుంబం గాధను చూస్తే... ఓ రైతు బిడ్డ తన తాత ముత్తాతలు సంపాదించిన ఆస్తి అయిన సాగుభూమిలో కష్టపడి వ్యవసాయం చేస్తూ వచ్చినదాంట్లో కొంత దాచుకొని కొంత ఖర్చు చేసి కుటుంబాన్ని పోషిస్తున్నాడు.. అయితే తాత సంపాదించిన భూమి తప్ప తాను సొంతంగా సంపాదించేమీ లేదనే వ్యద అతని మనసులో తొలచుతుంది.. ఎంతకాలం సాగుచేసినా మరో ఎకరం భూమి కొనలేనని, లేకపోతే ఓ అందమైన భవనం తన పిల్లలకు కట్టలేననే ఆలోచన అతనిలో మెదులుతుంది.. ఇంతలో అతనికి ఓ ఆఫర్ తగులుతుంది.. అదేంటంటే చిట్టి పాట.. కొందరు సభ్యులతో చిట్టి కట్టడం .. నెలకు కొంత మొత్తం కట్టడం అలా సభ్యులలో అవసరమున్న అప్పుగా తీసుకుని వడ్డితో సహా ప్రతినెల చెల్లించడం ఇలా 20 నెలలు, 40 నెలల పాట ఉంటుంది.. ఆ రైతు ఇదేదో బాగుంది.. నా అవసరం తీరుతుందనుకుని చిట్టిపాటలో చేరి ఇన్నాళ్లు కష్టపడి కూడబెట్టిన కొంచెం డబ్బును చిట్టీలో పెడతాడు.. ఆఫర్ ప్రకారం మొదటి చిట్టీ ఇతనికే దక్కుతుంది.. ఇంకేముంది. ఎగిరి గంతులేసి ఆ మొత్తంతో ఇళ్లు నిర్మాణం చేపడుతాడు.. ఇన్నాళ్లు ఏ బాధరబంధీ లేని అతనికి నెల గడవాలంటే ఓ సంవత్సరం కనిపించేది.. కానీ చిట్టీలో చేరే సరికి అతనికి అది ఒక్కరోజుగానే కనబడుతోంది. ఇక తన దినసరి పనులతో పాటు చిట్టి కోసం ప్రత్యేకంగా పనులు చేయడం మొదలు పెట్టాడు. ఆటో నడపడం, కూలికి వెళ్లడం , ఇతరత వ్యాపారాలు చేయడం, కూరగాయలు అమ్మడం లాంటి సైడ్ బిజినెస్ లతో తన చిట్టి పాట డబ్బులను అందించాలనే తపనలో పడ్డాడు..  వచ్చే ఆదాయ వనరులన్నీ బంద్ అయ్యాయి. చూస్తుండగానే ఆరునెలలు గడిచిపోయాయి.. చిట్టీ పాట, ఇంటి లోన్ బకాయలు పెరిగిపోయాయి. ఎక్కడ చేయి చాచకుండా ఇల్లు అమ్మకానికి పెట్టాడు.. కొనుగోలు చేసేవారే లేరు.. కొనే వారు దళారులు వచ్చి అడ్డికి పావుసేరు అన్నట్లుగా అడుగుతున్నారు. అదే దళారుల దగ్గర భూమి జాగా తీసుకోవాలంటే ఆకాశంలో ధర ఉంటుంది.. కానీ ఈ రైతు అమ్మితే అప్పులు పోను ఆతనికి మిగిలేదేమీ లేదని తెలుస్తోంది.. ఇలాంటి సమయంలో ఆ రైతు ఏం చేస్తాడు.. అదే మీరనుకుంటున్నదే.. ఆత్మహత్యనే.. చూశారు కదా ప్రశాంతంగా సాగిపోతున్న అతనికి అప్పుల కంపెనీలు తెచ్చిపెట్టిన తంటాలు..

వడ్డీ వ్యాపారం వ్యభిచారం కంటే నీచమైనదని పురాణాలు చెబుతుంటాయి. కానీ ఇప్పుడున్న పరిస్థితుల్లో ఆన్ లైన్ వ్యవస్థ వచ్చినప్పటి నుంచి వడ్డీ వ్యాపారాలే అధికమయ్యాయి. చాలా వరకు ప్రైవేటు ఉద్యోగాలు , ప్రభుత్వ ఉద్యోగాలు చేస్తున్నవారిని టార్గెట్ చేసి కొన్ని కంపెనీలు , ముఖ్యంగా ప్రైవేట్ రంగంలోని బ్యాంక్ లు క్రెడిట్ కార్డులని, పర్సనల్ లోన్లని, హోం లోన్లని, ఇన్ స్టాంట్ లోన్లని ఆఫర్లు గుప్పిస్తున్నాయి.. అందరిని అప్పుల ఊబిలోకి లాగేస్తున్నాయి. ఒక నెల బకాయ అటు ఇటు అయిందో అంతే సంగతులు ముక్కు పిండి అధిక వడ్డీ వసూలు చేసి మళ్లీ సదరు వ్యక్తి కోలుకోకూకుండా కొంపలు ముంచేస్తున్నాయి. ఇలా దేశవ్యాప్తంగా ప్రైవేటు చిట్ కంపెనీలు, లోన్ కంపెనీలు వెలసి సామాన్య జీవితాలను చిన్నా భిన్నం చేసేస్తున్న పరిస్థితులు ప్రతి ఒక్కరికి తెలుసు.. అంటే అలా అప్పులిచ్చే  కంపెనీలన్నీ మన పురాణాల ప్రకారం వ్యభిచార ముఠాలేనా.. అంతకు దిగజారిన సంస్థలేనా అంటే అవుననే చెప్పాలి.. ఎక్కడో అవసరం లేనివారిని సైతం ఆశపెట్టి ఆఫర్లు చెప్పి అప్పుల ఊబిలోకి లాగడం .. ఆ తరువాత వారి ప్రాణలు పోవడానికి కారణమవుతున్న కంపెనీలకు ఎవరిచ్చారు అధికారం.. పుణ్య దేశమైన భారతదేశంలో ఇలాంటి వ్యభిచార కంపెనీలు ఎందుకు..  ? వీరికి అనుమతులు ఎవరు ఇచ్చారు..? ఇలాంటి కంపెనీలు దేశంలో అవసరమా... ? రాష్ట్రంలో ఇప్పుడున్న పరిస్థితుల్లో ప్రతి ఒక్క గడపకు పోతే ఇలాంటి క్రెడిట్, చిట్స్ పాటల చింతలే ఉంటాయి.. వీటి వలన కుటుంబ బంధాలు దూరమవుతున్నాయి. మానాభిమానాలు మంట కలిసిపోతున్నాయి. అసలు బంధుత్వాలకు సమయమే లేకుండా పోయింది.. 

చాలా ధనిక కుటుంబాల్లో బంధుత్వాలు చాలా తక్కువగా ఉంటాయనేది ఒక్కప్పటి మాట.. గత 20 ,30 ఏళ్ల క్రితం గ్రామీణ ప్రాంతాల్లో బంధుత్వాలకు ఎంతో విలువుండేది.. ప్రస్తుతం పొద్దున లేస్తే సాయంత్రం వరకు ఎలా డబ్బు సంపాదించాలే.. ఎలా అప్పులు తీర్చాలే ఆలోచనలే తప్పా.. ఆప్యాయతలు, అనురాగాలు సగటు మనిషికి లేకుండా పోయింది.. అప్పుల భయంతో కొందరు పనులు చేస్తూ ఆరోగ్యం పాడు చేసుకుంటూ మరింత అప్పుల ఊబిలో పడిపోతున్న పరిస్థితులు ప్రతి గ్రామంలో కనపడుతోంది.. తెలంగాణలో చాలా గ్రామాల్లో ఇదే పరిస్థితి చూడొచ్చు.. పొద్దున లేస్తే మహిళా సంఘాల నుంచి పంట చిట్టీలు, పొదుపు సంఘాలు ఇలా అనేక రకాల అప్పుల కంపెనీల వసూల్లే కనబడుతున్నాయి.. 

ప్రభుత్వాలు తలచుకుంటే ఈ రొంపి వ్యవస్థను మార్చేయచ్చు కదా..? ప్రామిసరీ నోటును రద్దు చేయోచ్చు కదా.. అప్పులు కావాలనుకునే వారికి ప్రభుత్వ రంగ బ్యాంకుల ద్వారా ఇప్పుడిస్తున్నట్లు అప్పులు ఇప్పించవచ్చుకదా..? ఇవన్నీ చేయకుండా ప్రైవేట్ రంగం వారికి అనుమతులు ఇచ్చే వారిచ్చే పన్నులకు ఆశపడో లేక ప్రభుత్వంలోని పెద్దల కంపెనీలు కావడమే కారణమా..? ఇలాంటి వ్యవస్థ నుంచి  ప్రజలను కాపాడే మార్గం ప్రభుత్వాలకు లేదా.. అసలు ఈ వ్యభిచారం ప్రభుత్వాలే చేయిస్తున్నాయా.. ఓ సామాన్యుడిగా తట్టిన సందేహాలు.. నేడు ప్రపంచ మానవత్వ దినోత్సవం సందర్భంగా మానవతావిలువలు మంటకలిసిపోవడానికి కారణమైన క్రెడిట్ కంపెనీల వ్యభిచార వడ్డీల మేధావి వర్గాలు ఆలోచిస్తాయని ఆశిస్తూ..  రఫీ మహ్మద్ , ఫ్రీలాన్స్ జర్నలిస్ట్

news&views

Two weeks ago, Prime Minister Narendra Modi called on states to only consider lockdowns "as the last option." Now everyone from his political allies to top business leaders and US President Joe Biden's chief medical adviser see them as the only way to stem the world's worst virus outbreak.

The debate has been complicated by PM Modi's move last year to impose a nationwide lockdown without warning, spurring a humanitarian crisis as migrant workers fled on foot to rural areas. While the Prime Minister is keen to avoid that criticism again, particularly after his Bharatiya Janata Party failed to win an election in West Bengal when votes were counted Sunday, even states run by his party are ignoring his advice.

"One of the problems is this false narrative that it's either a full lockdown, which equates to economic disaster, or no lockdown, which is a public health disaster," said Catherine Blish, an infectious disease specialist and global health expert at Stanford Medicine in California. "What's happening now is a health and an economic disaster. If you have huge swaths of your population getting sick, that's not good for your population or your economy.

కలియుగ లక్షణాలు.. తెలుసుకుంటే నిజమే అంటారు..

మహాభాగవతంలోని 12వ స్కంధంలో కలియుగ లక్షణాలు గురించి రచించారు వేదవ్యాసులు. అవేంటో మనం కూడా తెలుసుకుందాం.

కలి ప్రభావం పెరుగుతున్నా కొద్దీ సత్యం,

ధర్మం, దయ, క్షమ, ఆయువు, జ్ఞాపకశక్తి క్షీణిస్తూ ఉంటాయి.

ధనం ములం ఇదం జగత్ అంటారుగా. అలానే ధనవంతుడే గుణవంతుడు, ధర్మపరుడు, సర్వ నియంత అవుతాడు.

ప్రేమ వివాహాలు కుల, మతాలకు అతీతంగా జరుగుతాయి. కులం, శీలం, యోగ్యతల మాట లేకుండా పెండ్లిలు చేస్తారు. ప్రేమలో నిజాయితీ కూడా చాలా తక్కువ.

మోసం చేయడం, అబద్ధాలు ఆడటం ఉత్తమ నైపుణ్యంగా మారుతాయి.

బ్రహ్మ జ్ఞానం పొందటం వలన కాకుండా కేవలం జంధ్యం వేసుకున్నందుకు బ్రాహ్మణులుగా గుర్తించబడుతారు.

అరవగలిగేవాడు పండితులు. చెడుగా ఉండటమే మంచితనము. సహజీవనమే వివాహంగా పరిగణిస్తారు

దూరంగా ఉండే మురికిగుంట పుణ్య తీర్థంగా, వెంట్రుకలు పెంచుకోవడం అందముగా భావించడం, పొట్ట నింపుకోవడమే పురుషార్థం, కుటుంబ పోషణ ఘన కార్యంగా, కీర్తిని కోరడం ధర్మాచరణగా ప్రజలు గుర్తిస్తారు.

కలియుగంలో శ్రీ వేంకటేశ్వరస్వామి ప్రత్యక్ష దైవం.

ఐకమత్యమే మహాబలం.

గోవ‌ధ స‌ర్వ‌సాధార‌ణ విష‌యంగా మారుతుంది.

ఈ అంశాలను నేటి సమాజానికి పోల్చి చూడండి. మన పూర్వీకులు ఎంతటి జ్ఞానవంతులో, మనం ఎంతటి విజ్ఞానాన్ని, జ్ఞాన సంపదను కోల్పోయామో తెలుస్తుంది

లౌకిక‌వాద రాజ‌కీయాల‌కు బ‌ల‌వుతున్న ముస్లింలు..!

లౌకిక‌వాదం అనే రాజ‌కీయ వ్యూహం భార‌తీయ ముస్లింల‌కు భ‌విష్య‌త్తులో తీర‌ని న‌ష్టాన్ని క‌లిగించ‌నుంది. చెప్పుకోవ‌డానికి ఎంత బాగున్నా కూడా.. చేత‌ల్లో మాత్రం మెజారిటీల‌ను అవ‌మానించేలా మారుతుంది. అలా అని ముస్లింల‌కు ఏమైనా గౌర‌వం ద‌క్కుతుందా అంటే అది లేదు.

ముస్లింల బుజ్జ‌గింపు పేరుతో ఇస్లాం ఆచరించే ఇత‌ర దేశాల్లో వారిని భార‌తీయ ముస్లింల మ‌ధ్యలో క‌లిపేస్తున్నారు. అందుకు ఇస్లాం ఖ‌త్రేమే హై లాంటి నినాదాల‌ను వాడుతున్నారు. శ‌ర‌ణార్థుల పేరిట దేశంలోకి అక్ర‌మంగానో, స‌క్ర‌మంగానో తీసుకొచ్చి ప‌డేస్తున్నారు.

చొర‌బాటుదారుల‌కు, శ‌ర‌ణార్థుల‌కు లౌకిక పార్టీలు రేష‌న్ కార్డులు, గుర్తింపు కార్డులు కూడా ఇప్పిస్తున్నాయి. అస్సాం, బెంగాల్‌, తెలంగాణ వంటి రాష్ట్రాల్లోని ప్ర‌భుత్వాలు అక్ర‌మంగా నివ‌సిస్తున్న‌ రోహింగ్యాలు, బంగ్లాదేశీయులను ఓటు బ్యాంకుగా మార్చుకుంటున్నాయి. ఇక అక్ర‌మంగా చొర‌బ‌డిన వారు చేసే దాడులు, అరాచ‌కాల నింద‌లు పూర్తిగా ముస్లిం స‌మాజంపైనే పడుతున్నాయి.

మైనారిటీల సంక్షేమం అని మాట్లాడే ఏ పార్టీ కూడా వారిని విద్యావంతులుగా చూడాల‌ని కోరుకోక‌పోవ‌డం శోచ‌నీయం. ముస్లిం స‌మాజంలో మ‌త చాంద‌స‌వాదాన్ని ఎలా నూరిపోయాలా.. ఎలా వారిని బ‌ల‌మైన ఓటు బ్యాంకుగా మార్చుకోవాలా అని మాత్ర‌మే లౌకిక పార్టీలు ఆలోచిస్తున్నాయి. అక్ర‌మంగా చొర‌బ‌డిన ఇస్లాం ఆచ‌రించే వారికి సంక్షేమ ఫ‌లాల‌ను అందిస్తూ, భార‌తీయ ముస్లింల‌ను బాయ్ చారా పేరుతో లౌకిక పార్టీలు వెర్రి వాళ్ల‌ను చేస్తున్నాయి.

మ‌రోవైపు మైనారిటీల సంతుష్టీక‌ర‌ణ అనే పేరిట మెజారిటీల సంస్కృతి, సంప్ర‌దాయాల‌ను అవ‌మానించే వారిని ఎన‌కేసుకు వ‌స్తున్నాయి లౌకిక ప్ర‌భుత్వాలు. అంతేకాకుండా మెజారిటీ హిందువుల ఆల‌యాల‌పై జ‌రిగే దాడుల‌పై క‌నీసం స్పందించ‌డం లేదు. అదే మైనారిటీల పండుగ‌ల‌కు ఆయా లౌకిక పార్టీల నాయ‌కులు లేని మ‌త‌సామ‌ర‌స్యాన్ని ప్ర‌ద‌ర్శిస్తున్నారు.

దాని వ‌ల‌న మెజారిటీ హిందువుల్లో ముస్లిం ప‌ట్ల ద్వేష భావం రోజురోజుకు పెరుగుతోంది. లౌకిక రాజ‌కీయాలు భార‌తీయ ముస్లిం మెడ చుట్టూ ఉచ్చులాగా మారుతున్నాయి. విదేశాల నుంచి అక్ర‌మంగా వ‌చ్చిన ఇస్లాం ఆచ‌రించే వారికి రాజ‌భోగాలు, భార‌తీయ ముస్లింల‌కు మ‌తం పేరిట పేద‌రికాన్ని లౌకిక రాజ‌కీయాలు అంట‌గ‌డుతున్నాయి.

ఉదాహ‌ర‌ణ‌కు పాత బ‌స్తీలోని ఎంఐఎం పార్టీ తాము ముస్లిం స‌మాజం కోసం పోరాడుతున్నామ‌ని చెబుతుంది. వాస్త‌వంలో ఆ పార్టీకి చెందిన నేత‌లు ఇత‌ర మ‌త‌స్తుల భూముల‌ను క‌బ్జా చేయ‌డం, వారి ఆస్తుల‌ను బ‌ల‌వంతంగా లాక్కోవ‌డం, ఆల‌యాల భూముల‌ను మాయం చేయ‌డం, ఆల‌యాల‌ను క‌నుమ‌రుగు చేయ‌డం లాంటివి చేస్తున్నారు.

నిజంగా పాత బ‌స్తీలోని ముస్లిం స‌మాజం ఎంఐఎం లాంటి పార్టీని స‌మ‌ర్థిస్తుందా అంటే.. కాద‌నే చెప్పుకోవాలి. ఎప్ప‌టి క‌థ‌నో ఎందుకు.. ఇటీవ‌ల జ‌రిగిన జిహెచ్ఎంసి ఎన్నిక‌ల‌నే ఉదాహ‌ర‌ణ‌గా తీసుకుందాం. ఎంఐఎం అభ్య‌ర్థులు వ్య‌వ‌హ‌రించిన తీరు అస‌లు మ‌నం ప్ర‌జాస్వామ్యంలోనే ఉన్నామా అనే అనుమానాల‌ను క‌లిగించింది.

ఎంఐఎం నేత‌ల వ్యాఖ్య‌లు.. వారిని వెన‌కేసుకొచ్చే వారి చేత‌లు ముస్లిం స‌మాజంపై మెజారిటీ ప్ర‌జ‌ల్లో హేయ‌మైన భావాన్ని క‌లిగించేలా ప్రేరేపిస్తున్నాయి. వారిని ఉగ్ర‌వాదులుగా, ఉగ్ర‌వాద స‌మ‌ర్థ‌కులుగా చిత్రీక‌రిస్తున్నాయి. పాత బ‌స్తీ ఉదాహ‌ర‌ణ కేవ‌లం మ‌చ్చుకు మాత్ర‌మే. దేశంలో విదేశి మ‌త చాంద‌స‌వాదం(వాహ‌బి) పెరిగిన ప్ర‌తిచోటా మెజారిటీ ప్ర‌జ‌లు అన్యాయానికి గుర‌వుతున్నారు.

ఆ నింద‌లు భార‌తీయు ముస్లింలు పడుతున్నారు. పరిస్థితులు ఇదే విధంగా కొన‌సాగితే.. భ‌విష్య‌త్తులో భార‌త దేశం షరియా చ‌ట్టాల ఉచ్చులో చిక్కుకొని ఎడారిగా మార‌డ‌మో.. లేదా మెజారిటీల ఆగ్ర‌హానికి గురైన ముస్లిం స‌మాజం గ‌డ్డు కాలాన్ని ఎదుర్కోవ‌డమో జ‌రుగుతుంది.

ఇప్పటికైనా ప్ర‌జాస్వామ్యంలో ప్ర‌జ‌లంతా స‌మానం అనే విధంగా రాజ‌కీయ పార్టీలు వ్య‌వ‌హ‌రించాలి. రాజ్యాంగ సూత్రాల‌ను ఆచ‌రించాలి. ప్ర‌జ‌ల‌ను కుల‌, మ‌త ప్రాతిప‌దిక‌న విడ‌దీసి విదేశీ శ‌క్తుల‌కు స‌హ‌క‌రించే విధ‌మైన శైలిని మార్చుకోవాలి. భార‌తీయులు చైత‌న్య‌వంతుల‌వుతున్న ఈ త‌రుణంలో మైనారిటీ సంతుష్టీక‌ర‌ణ పేరిట ఉగ్ర‌వాద కార్య‌క‌లాపాల‌కు, చొర‌బాటుదారుల‌కు మ‌ద్ధ‌తునిచ్చే దుస్సాహ‌సాన్ని లౌకిక పార్టీలు మానుకోవాలి.

లేదంటే భ‌విష్య‌త్తులో అంత‌ర్యుధం రావ‌డ‌మే కాదు. బ‌ల‌మైన మెజారిటీల చేతిలో లౌకిక పార్టీలు మట్టి క‌ల‌వ‌డం ఖాయం. విదేశీ ఆక్ర‌మ‌ణ‌దారుల‌తో పాటు భార‌తీయ ముస్లిం స‌మాజం చేటు చూడ‌టం అనివార్యంగా మార‌టం త‌థ్యం.

అందుకే యూనిఫాం సివిల్ కోడ్ ను దేశవ్యాప్తంగా అమలు చేయాలి. విదేశీ అక్రమ చొరబాట్లను నిరోధించాలి. అక్రమంగా ఉంటూ దేశ సార్వభౌమత్వానికి నష్టం కలిగిస్తున్న రోహింగ్యాలు, బంగ్లాదేశీయులను వారి స్వదేశాలకు పంపి భారతీయ ముస్లిం సమాజంపై పడుతున్న నిందలను దూరం చేయాలి. ఈ బాధ్యతను ప్రతి రాజకీయ పార్టీ తమ భుజాలపైకి ఎత్తుకోవాలి.