సాఫ్ట్ గా కాప్స్ సర్చ్
ఓన్లీ ఫైన్ నో లాఠీ చార్జ్
లైట్ తీసుకుంటున్న పబ్లిక్
మూడో వేవ్ పై నిర్లక్ష్య వైఖరి
మాస్క్ లేకుండా రోడ్లపై జనం
గుంపులు గుంపులుగా దావతులు
దర్జాగా తిరుగుతున్న జనం
పొంచి ఉన్న ప్రమాదంపై పోలీసుల పరేషాన్
మాస్క్ లేకుంటే పోలీస్ షాక్ తప్పదు.. మళ్లీ మొదలైందీ పోలీసులకు లొల్లి.. మన కోసమే .. మనందరి కోసమే మాస్క్ తప్పని సరి అంటున్నారు మన కాప్స్. మొదటి లాక్ డౌన్ లా కాకుండా సాఫ్ట్ గా సమజయ్యేలా సర్ధి చెబుతున్నారు. ఎక్కడికక్కడ రోడ్లపై తనిఖీలు పెట్టి హెల్మెట్ లేకుంటే జరిమానా విధిస్తూ.. మాస్క్ లేకుంటే 1000 జరిమానా అని బెదిరిస్తూ డ్యూటీలు చేస్తున్న కాప్స్ ... కాస్త కనికరం చూపిస్తున్నారంటే అర్ధం చేసుకోవాలే... అప్పటి లాగా అంత కఠినంగా వ్యవహరించకుండా వారు డ్యూటీలు చేస్తున్నారంటే మనం అర్ధం చేసుకోవాలే కదా...కోవిడ్ తో మన కాప్స్ కష్టాలపై కబుర్లు చూద్దామా..?
ఇదిగో ఇక్కడ చూడండి జనం.. అక్కడెక్కడో మూలకు పోలీసులు తనిఖీలు చేస్తున్నట్లున్నారు.. వీళ్ల మోహాలకు మాస్క్ లు లేవు.. అందుకే అక్కడ పోలీసులు ఎప్పుడు వెళ్లిపోతారా అని వందమీటర్ల దూరంలో నక్కి నక్కి తొంగి చూస్తున్నారు... ఈ జనాలు... పది రూపాయల మాస్క్ మొఖానికి తగిలించుకుంటే పోయేదేముంది .. ఎందుకు కాప్స్ ముందు నామూష్ కావడం.. పట్టుబడితే ఫైన్ కట్టడం అవసరమా.. ? హెల్మెట్, మాస్క్ ధరించిన వారు దర్జగా వెళ్లిపోతుంటే.. వీళ్లు మాత్రం డైవర్షన్ రూట్లు వెతుక్కుంటూ నానా తంటాలు పడుతున్న పరిస్థితి.
కోవిడ్ మహమ్మారి వచ్చినప్పటి నుంచి తెలంగాణ రాష్ట్రంలో పోలీసులకు కష్టాలు తప్పడం లేదు. మొదటి దశ లాక్ డౌన్ సమయంలో చాలా కఠినంగా వ్యవహరించిన కాప్స్ ఈ సారి చాలా తగ్గిపోయారు. కేవలం జరిమానాలతో సరిపెట్టేస్తున్నారు.. జరిమానాలు కూడా విధించడంలో కూడా వెనుకా ముందు ఆలోచిస్తున్నారు. అసలే ఆర్ధిక ఇబ్బందులతో కొట్టుమిట్టాడుతున్న వారిని ఎందుకు ఇబ్బందులకు గురిచేయాలా అని మానవతాకోణంలో ఆలోచిస్తున్నారో ఏమో కానీ చాలా చోట్లలో సున్నితంగా హెచ్చరించి వదిలేస్తున్నారు.. మూడో వేవ్ అత్యంత ప్రమాదకరమైనదని, ప్రజలు అప్రమత్తంగా ఉండాలని, మాస్క్ తప్పనిసరి అని సూచనలు చేస్తూ.. మాస్క్ లేకుంటే వెయ్యి జరిమానా అంటూ హెచ్చరికలతో ఎక్కడికక్కడ కట్టుదిట్టంగా చర్యలు తీసుకుంటున్నారు మన తెలంగాణ కాప్స్...
తొలిదశ కోవిడ్ మహమ్మారికి చాలా మంది పోలీసులు బలిదానం చేశారు. డ్యూటీలో చేరి కోవిడ్ బారిన పడి కుటుంబాలకు దూరమయ్యారు. తమ ప్రాణాలు ఫణంగా పెట్టి కరోనా కట్టడికి పాటుపడ్డారు.. అటువంటి పోలీసులు ఒకానొక క్షణంలో ఓర్పు, సహనం కోల్పోయి నిబంధనలు ఉల్లంఘించిన వారి భరతం పట్టిన సందర్భాల్లు అనేకం ఉన్నాయి..లాఠీ చార్జులు చేస్తూ అందరిని కట్టడి చేసిన పోలీసుల వలనే మనమంతా కోవిడ్ బారి నుంచి తప్పించుకో గలిగామని గుర్తించాల్సిన అవసరముంది. వైద్యులు వైద్య సేవలు చేసినప్పటికి మన కాప్స్ కంట్రోల్ చేయడంతోనే మనం బతికి ఉన్నామని చెప్పుకోవాలి.. అయితే.. ఇప్పుడున్న పరిస్థితుల్లో ప్రజలు సరైన అవగాహన పెంచుకుని మాస్క్ తప్పనిసరిగా ధరించి మన కాప్స్ కష్టాలు తగ్గించాల్సిన అవసరం ప్రతి ఒక్కరి పైనా ఉంది...
ప్రస్తుతం మన రాష్ట్ర వ్యాప్తంగా కరోనా మూడో వేవ్ కేసులు రాకుండా పోలీసులు పకడ్బందీ చర్యలు చేపట్టారు. మాస్క్ లేకుండా బయట తిరిగేవారి పై చర్యలు తీసుకోవడం జరుగుతుందని హెచ్చరికలు చేస్తూనే ఉన్నారు. అయినా ప్రజలు మాత్రం పట్టించుకోవడం లేదు.. మాస్క్ లేకుండా గుంపుగుంపులుగా తిరుగుతూ.. పెళ్లీల సీజన్ లో నిబంధనలు పాటించకుండా వ్యవహరిస్తూ కాప్స్ కు కోపం వచ్చే పనులు చేస్తున్నారు.. ఇప్పటికైనా మించిపోయిందేమీ లేదు.. కాప్స్ ను కష్టపెట్టకుండా నిబంధనలు పాటించాల్సిన బాధ్యత మనందరిపైనా ఉంది...
పోలీసులు చాలా సున్నితంగా వ్యవహరిస్తుండటంతో జనం పట్టించుకోవడం లేదా.. ? మరి ఇలా అయితే మూడో ముప్పు ముంచుకొస్తే... కాప్స్ అసలు రూపం బయటకు రాకా తప్పదని హెచ్చరిస్తూ.... రఫీ ఫ్రీలాన్స్ జర్నలిస్ట్..
super
రిప్లయితొలగించండి